Unha volta polo Concello de A Estrada

Ruta turística polo mellor do Concello de A Estrada

Pazo de Oca, a Estrada
Pazo de Oca

Para un santiagués coma min o Concello de A Estrada non é en absoluto descoñecido. De feito, xa visitei o Pazo de Oca en outras ocasións, paseei varias veces ao carón do Río Ulla en lugares como Pontevea ou o Xirimbao, e mesmo non fai moito tempo que contemplei a paisaxe da comarca desde miradoiros como o de San Miguel de Castro.

Areal de Berres, A Estrada
Areal de Berres

Pero ainda que é un lugar familiar para min, sempre quedan cousas por descubrir, por iso non dubidei nin un segundo en aceptar a invitación do Concello de A Estrada a unha volta por varios lugares de interese turístico, xunto cos meus compañeiros da Asociación de Bloggers de Viaxes de Galicia (GaliciaTB).

Xardíns do Pazo de Oca
Xardíns do Pazo de Oca

A ruta polo concello comezou polo famoso Pazo de Oca. O máis destacado deste lugar son sen dúbida os xardíns, cun trazado que data do século XVIII, por onde podemos dar un bo paseo entre a vexetación de diferentes especies e formas, entre figuras de pedra e mesmo un lago.

Xardíns do Pazo de Oca
Xardíns do Pazo de Oca

Nós tivemos a sorte de visitar tamén parte do seu interior da planta baixa, onde o que máis chama a atención son a antigüedade do seu mobiliario.

Xardíns do Pazo de Oca
Xardíns do Pazo de Oca

Continuamos o percorrido polo concello pola beira do Río Ulla, por unha estrada que frecuento nas miñas saídas en moto precisamente polas súas fermosas paisaxes.

Area recreativa do Areal de Berres
Area recreativa do Areal de Berres

Detivémonos no areal de Berres, que é unha agradable área recreativa ao carón do río onde dan ganas de pasar horas e horas nas tardes de bo tempo.

Areal de Berres
Areal de Berres

Despois de un paseíño polo Areal de Berres visitamos o lagar da Sidra Ribela, de elaboración completamente artesanal, e que comprobamos de primeira man grazas a explicación dos seus propietarios, que mesmo utilizan mazás da zona.

Lagar Ribela
Lagar Ribela
Sidra A Ribela
Sidra A Ribela

Tras a degustación das sidras, chegounos a hora de xantar. Para elo desplazámonos ate a Casa da Pastora, na aldea de Outeiro, onde tivemos a sorte de encher o bandullo cun espectacular cocido. Na sobremesa, sorprendeunos a visita dos coñecidos Xenerais do Ulla, uns personaxes típicos do entroido de este concellos e de algúns limítrofes.

Xenerais da Ulla
Xenerais da Ulla

A excursión por terras da Estrada rematou coa visita dos Xenerais do Ulla, ainda que se tivésemos máis tempo aínda habería moitas mais cousas por ver. De feito, A Estrada conta tamén con numerosas igrexas románicas, castros e lugares dunha natureza singular como as fevenzas do Río Curantes.

Miradoiro do Castro
Miradoiro do Castro

Ademáis, se temos a sorte de visitar a primeira fin de semana de xullo, é imprescindible ir a Sabucedo á famosa Rapa das Bestas, un evento único e singular que non deixará indiferente a ninguén.

Deja un comentario

Tu dirección de correo electrónico no será publicada. Los campos obligatorios están marcados con *