Archivos de la categoría en galego

RUTA EN COCHE POLA MARIÑA LUCENSE

Unha ruta en coche ou moto polo mellor da Mariña Lucense

Mariña Lucense
Mariña Lucense

(Si prefieres leer esta entrada en castellano, pincha aquí)

Coñécese a Mariña Lucense como a costa da provincia de Lugo, bañada polas augas do Mar Cantábrico. É unha zona que está en auxe desde o punto de vista turístico, e é que atractivos non lle faltan. Xa sexa para gozar de praias a temperaturas suaves no verán, para contemplar belas paisaxes ou polo seu patrimonio artístico, comparto convosco esta ruta que se pode facer con calma en, como mínimo, dúas ou tres días.

Comenzando la ruta en Ribadeo
Comenzando a ruta en Ribadeo

A RUTA

Desde Ribadeo a San Cibrao

Ribadeo – Rinlo – Praia das Catedrais – Foz – Burela – Sargadelos – San Cibrao.

Empezamos a ruta en Ribadeo, a primeira localidade que nos atopamos tras cruzar a ponte da A8 desde Asturias. En Ribadeo, podemos ver algún edificio modernista no centro, así como baixar ata o porto para pasear ou comer nos seus restaurantes.

Illa Pancha, Ribadeo
Illa Pancha, Ribadeo

Se saímos pola pequena estrada que bordea a costa, pola coñecida Estrada do Faro, chegaremos ata o faro da Illa Pancha, tras pasar xunto os restos do antigo Forte de San Damián.

Rinlo
Rinlo

Desde Illa Pancha continuaremos ata Rinlo, un pintoresco pobo de pescadores, onde faremos unha parada antes de visitar un dos lugares máis coñecidos da Mariña e de toda Galicia: A Praia das Catedrais.

Praia das Catedrais
Praia das Catedrais

A Praia das Catedrais é unha parada imprescindible para todo viaxeiro que visite esta zona, e é un lugar que pode chegar a estar saturado en tempada alta, onde se aplican restricións na súa visita. Recomendo vela coa marea baixa e en horas onde non haxa moita xente, xa que así poderemos gozar moito mellor deste lugar.

La Costa de Barreiros en temporal
a Costa de Barreiros en temporal

Desde a Praia das Catedrais podemos continuar pola estrada da costa, xunto a varias praias do municipio de Barreiros que, por desgraza, están rodeadas de feos bloques de edificios froito dun desenvolvemento urbanístico salvaxe.

Castro junto al mar en Fazouro
Castro xunto o mar en Fazouro

Despois chegaremos a Foz, cunhas praias que pagan a pena; e continuaremos pola N-642 en dirección Burela, facendo antes unha parada en Fazouro, para ver o seu pequeno castro xunto ao mar. Desde Burela temos a opción de tomar a estrada costeira ata San Cibrao, ou seguir pola N-642 desviándonos un pouco para ver Sargadelos, unha fábrica de cerámica tradicional galega (visita gratuíta), moi importante na nosa cultura.

Sargadelos
Sargadelos

E chegamos a San Cibrao, onde podemos visitar o Museo do Mar, e dar un paseo ata o seu faro.

Museo do Mar en San Cibrao
Museo do Mar en San Cibrao

Desde San Cibrao a Estaca de Bares

San Cibrao – Punta Roncadoira – Viveiro – O Barqueiro – Estaca de Bares

Desde San Cibrao podemos seguir a LU-862 directamente ata Viveiro ou, se temos tempo, desviarnos polas pequenas estradas costeiras para contemplar a Punta de Roncadoira ou algunha fermosa praia como a de Area.

El paisaje desde Punta Roncadoira
A paisaxe desde Punta Roncadoira

Viveiro é, xunto a Mondoñedo, as dúas localidades da Mariña Lucense que teñen un casco antigo nun bo estado de conservación. E é que Viveiro foi unha localidade moi importante xa desde a idade media, con título de cidade desde hai xa varios séculos.

Puerta de Carlos V de Viveiro
Porta de Carlos V de Viveiro

Nela destaca a Porta de Carlos V, así como varios mosteiros e igrexas (aquí celébrase con gran devoción a Semana Santa) e restos da súa antiga muralla.

Viveiro
Viveiro

Tamén ten unha fermosa praia, un expléndido miradoiro desde o Monte San Roque, así como o curioso Bosque de Chavín e a fervenza de Pozo da Ferida.

Pozo da Ferida
Pozo da Ferida

Despois de pasar Viveiro temos a opción de continuar directamente ata O Barqueiro ou seguir polas pequenas estradas costeiras que nos levarán polo Miradoiro da Insua, Praia da Brela, a escarpada Punta do Fuciño do Porco ou a Praia de Xilloi.

Ría do Barqueiro
Ría do Barqueiro

Tras cruzar O Vicedo chegaremos ata a Ría de O Barqueiro, onde desemboca o Río Sor, formando un dos estuarios máis fermosos da Galiza coa preciosa Praia de Arealonga.

Puente peatonal que cruza la Ría do Barqueiro
Ponte peonil que cruza a Ría do Barqueiro

Aquí acaba a Provincia de Lugo, aínda que recomendo seguir uns poucos quilómetros máis pola provincia da Coruña ata a coñecida Estaca de Bares, un dos faros máis famosos de Galicia, pasando polas pintorescas poboacións de O Barqueiro e Bares.

Estaca de Bares
Estaca de Bares

O interior da Mariña Lucense

Lourenzá – Mondoñedo – Alfoz – Ferreira do Valadouro – San Martiño de Mondoñedo

Sen afastarnos moito da costa, a Mariña Lucense ten tamén moitos lugares de interese. Se imos cara o interior seguindo a N-634, pasaremos por Lourenzá, co seu gran Mosteiro de San Salvador, unha parada previa antes de chegar á imprescindible Mondoñedo.

Catedral de Mondoñedo
Catedral de Mondoñedo

Mondoñedo foi unha localidade crave na historia da Galiza. Nela atópase a súa catedral, edificio importante da que foi unha das capitais do antigas sete provincias galegas, que se atopa en perfecta harmonía cun centro histórico moi ben conservado.

Ponte do Pasatempo en Mondoñedo
Ponte do Pasatempo en Mondoñedo

Desde Mondoñedo sairemos pola LU-160 ata Alfoz, para facer unha parada no Castelo de Castrodouro, para seguir ata Ferreira do Valadouro.

Castelo de Castrodouro
Castelo de Castrodouro

Desde aquí, voltaremos cara á costa pola LU-152 en dirección Foz, para visitar a xoia románica de San Martiño de Mondoñedo, que ben merece ser declarada Patrimonio da Humanidade (e están a recoller firmas para iso).

Iglesia románica de San Martiño de Mondoñedo
Igrexa románica de San Martiño de Mondoñedo

COMO CHEGAR

A Mariña Lucense está moi ben comunicada a través da autoestrada A8, xa sexa desde o Leste como desde o Sur. Se vés desde cidades como O Ferrol ou A Coruña, é máis turístico chegar pola carrereta AC-862, pasando por Ortigueira.

Hotel Vila do Val, en Ferreira do Valadouro
Hotel Vila do Val, en Ferreira do Valadouro

ONDE DURMIR

En toda a Mariña Lucense hai unha ampla rede de aloxamentos de toda clase e adaptadas a todo tipo de orzamentos, así como numeros establecementos de turismo rural.

Web de reservas de Siente Galicia
Web de reservas de Siente Galicia

Recomendo reservalos a través da web galega Sente Galicia, xa que funciona moi ben, e pódense atopar distintas opcións de escapadas a prezos moi económicos.

Arroz con lubrigante en Rinlo
Arroz con lubrigante en Rinlo

GASTRONOMÍA

Hai moitísimos restaurantes por toda a zona onde podemos probar numeros pratos dunha calidade excelente. Estamos na Galiza, e iso nótase. Pero o que máis recomendo na Mariña son o peixe e mariscos, xa que nela hai importantes portos pesqueiros, onde aseguramos unha materia prima fresca e de boa calidade.

Praia das Catedrais
Praia das Catedrais

PRAIAS

Se non queremos bañarnos en praias saturadas de xente, a Mariña Lucense é o noso destino ideal. Aínda que no verán son frecuentes os días con algo de humidade, en canto sae o sol estas praias son unha auténtica delicia. Ademais, como están bañadas polo Mar Cantábrico, a auga non está tan fría como as do Atlántico galego. Son moi famosas as praias de Benquerencia, Foz, Llas, Area, Covas, Brela, Xilloi ou Arealonga.

Porto de O Barqueiro
Porto de O Barqueiro

Esta é a miña ruta proposta para coñecer o mellor da Mariña Lucense. Como é habitual neste blogue, se tedes algunha dúbida, ou se xa a coñecedes e queredes deixar algún consello máis, non dubidedes en escribir un comentario.

RUTA EN COCHE POLA COSTA DA MORTE

Unha ruta en coche ou moto polo mellor da Costa da Morte

Cabo Vilán, Costa da Morte
Cabo Vilán, Costa da Morte

(Si prefieres leer esta entrada en castellano, pincha aquí)

A Costa da Morte é un dos lugares máis coñecidos da Galiza. O seu nome fai referencia aos numerosos naufraxios acontecidos ao longo dos séculos nas súas augas, sometidas á dureza máis extrema do Atlántico.

Pedra de Abalar, Muxía
Pedra dos Cadrís, Muxía

E que o mar aquí bate moi forte, especialmente no inverno, deixándonos unhas das paisaxes máis abruptas e salvaxes de Europa, embelecidos aínda máis polas súas impresionantes postas de sol. 

Praia de Nemiña
Praia de Nemiña


Calquera época é boa para achegarse ata a Costa da Morte. No verán, polo respiro que nos dá o seu clima, que nos fará gozar das súas praias, case desertas, ata altas horas da tarde (aquí é onde se pon o sol máis tarde do continente europeo en determinadas épocas do ano).

Praia do Lago
Praia do Lago

O resto do ano, para vivir a forza do mar nas súas costas máis abruptas,así como gozar das súas paisaxes e gastronomía coa menor saturación da época estival.

Esta ruta está pensada para hacer en coche o moto
Esta ruta está pensada para facer en coche ou moto

Comparto aquí, convosco, esta ruta que deseñei pola Costa da Morte, unha zona que coñezo moi ben, xa que vivín nela durante 17 anos.

Arou
Arou

A ruta pódese facer nuns catro días, aínda que recomendo aumentala ata como mínimo unha semana,para gozar de todos estes lugares con máis calma.

A RUTA

Desde Malpica a Laxe

Malpica – Punta Nariga– Corme – O Roncudo – Ponteceso – Laxe.

Comezamos a ruta pola Costa da Morte desde Malpica
Comezamos a ruta pola Costa da Morte desde Malpica

Partindo da vila mariñeira de Malpica, seguiremos unha pequena estrada preto da costa ata a Ermida de Santo Adrián, onde hai un miradoiro.

Illas Sisargas
Illas Sisargas

Durante o traxecto, podemos ver as Illas Sisargas, unhas illas cun pequeno faro, que están deshabitadas. A nosa seguinte parada será Punta Nariga, cun curioso faro de recente construción nun bonito enclave con todo o Atlántico de fondo. Desde aquí, tamén se poden ver as Illas Sisargas ao Norte.

Punta Nariga
Punta Nariga

Despois, continuaremos ata Corme. Este pobo mariñeiro é un bo punto para comer marisco nalgún dos seus restaurantes, onde probaremos os percebes que se collen na zona. Moi preto de Corme, podemos contemplar a arquitectura tradicional cun bo número de hórreos en Corme – Aldea (non confundir coa poboación de Corme, onde está o porto), e na aldea de O Roncudo.

Punta de O Roncudo
Punta de O Roncudo

Se seguimos a estrada desde Corme cara ao Oeste,chegaremos ata a Punta de O Roncudo, cun faro e numerosas cruces que nos lembran as vidas que se levou o mar neste lugar.

Desandando os últimos quilómetros antes de chegar a Corme, e seguindo despois pola AC-424, chegaremos á localidade de Ponteceso, coñecida por ser o lugar de nacemento do noso poeta do Rexurdimento Eduardo Pondal, creador da letra do Himno Galego.

Faro de Laxe
Faro de Laxe

En Ponteceso, cruzamos o Río Anllóns e continuaremos pola AC-429 ata Laxe, cunhas vistas preciosas da Ría de Corme e Laxe e a desembocadura do Río Anllóns. Laxe, conta cunha enorme praia que veremos xusto cando cheguemos ao pobo.

Praia dos Cristais, Laxe
Praia dos Cristais, Laxe

E se cruzamos Laxe seguindo rumbo ao Oeste, podemos ver o seu faro e a curiosa Praia dos Cristais, cunha area moi particular que lle dá este nome.

Desde Laxe a Muxía

Laxe – Camelle –Arou – Cabo Vilán – Camariñas – Muxía.

Costa preto de Camelle
Costa preto de Camelle

Saímos de Laxe pola AC-433 en dirección Sur para achegarnos ata Camelle. Durante o camiño, é boa idea facer unha parada na Lagoa de Traba, xusto á beira da praia co mesmo nome.

Lagoa de Traba
Lagoa de Traba

Unha vez en Camelle, o máis coñecido deste pequeno pobo pesqueiro, é o Museo de Man, un curioso artista que viviu durante anos neste lugar e ao que tiven a sorte de coñecer.

A obra de Man
A obra de Man

Desde Camelle, imos seguir a estrada da costa que pasa por Arou en dirección ao Cabo Vilán. Pouco despois de Arou converterase nunha pista de terra, pero recoméndolles continuar sen medo: está en bo estado para calquera turismo e, sobre todo, faravos gozar dun dos tramos máis belos e salvaxes da Costa da Morte.

Praia do Trece desde o alto do Monte Branco
Praia do Trece desde o alto do Monte Branco

Á beira desta estrada, podemos ver o espectacular Monte Branco, unha gran duna que se alza varios metros pola montaña desde a fermosa Praia de Trece.

Cemiterio dos Ingleses
Cemiterio dos Ingleses

Tamén pasaremos á beira do Cemiterio dos Ingleses, que nos lembra un dos naufraxios máis terribles desta costa. A pista acaba preto do Cabo Vilán, co seu impoñente faro.

O Cabo Vilano nunha ruta en bici
O Cabo Vilán nunha ruta en bici

Desde Cabo Vilán continuamos cara Camariñas, onde nos apetecerá unha boa mariscada antes de seguir camiño a Muxía.

Ao fondo, Muxía, desde preto de Camariñas
Ao fondo, Muxía, desde preto de Camariñas

Para ir a Muxía, sairemos de Camariñas pola AC-432 ata Ponte do Porto, e cruzaremos o Río Anllóns por unha estrada na cal, a uns poucos quilómetros de Ponte do Porto, veremos sinalizado a Praia do Lago, unha das miñas praias favoritas desta zona. Se seguimos esta estrada preto da costa chegaremos, finalmente a Muxía.

Santuario da Virxe da Barca, Muxía
Santuario da Virxe da Barca, Muxía

Muxía é coñecida polo seu Santuario da Virxe da Barca, onde diríxense moitos peregrinos que queren facer este variante do Camiño rumbo a Fisterra. Á beira do santuario, está a famosa Pedra de Abalar.

Desde Muxía a Fisterra

Muxía – Cabo Touriñán– Nemiña – Corcubión – Fisterra – Cabo Fisterra.

Cabo Touriñán
Cabo Touriñán

Ao saír de Muxía dirixirémonos ao punto máis occidental da Europa continental: o Cabo Touriñán. Aquí, un panel explicativo cóntanos que este abrupto e belo enclave é o lugar onde máis tarde se pon o sol de todo o continente en determinadas épocas do ano.

Este panel, indícanos que aquí é onde se pon o sol máis tarde nalgunhas épocas do ano.

A nosa seguinte parada será moi preto, seguindo a costa, nunha das mellores praias da Costa da Morte para facer surf: Nemiña. Desde Nemiña, podemos seguir ata Lires e ver a mesma praia desde a Praia de Lires, así como a desembocadura do Río Castro.

Praia de Nemiña
Praia de Nemiña

Desde Lires, teremos dúas opcións. A primeira é ir cara Fisterra polas estreitas estradas da costa, pasando pola aldea da Canosa, así como á beira dunha das praias máis salvaxes desta costa: O Rostro, onde en 1987 naufragou o Casón.

Corcubión
Corcubión

A outra opción é ir por unha mellor estrada pola ría, pasando por Corcubión, unha vila que aínda ten unhas cantas casas ben conservadas.

Cabo Fisterra
Cabo Fisterra

A ruta costeira acaba no Cabo Fisterra, o «fin da terra», un dos lugares máis visitados da Galiza, tras pasar a localidade do mesmo nome.

Fisterra
Fisterra

Fisterra e o seu faro, ademais de ser frecuentado por miles de turistas cada ano, tamén recibe a chegada de miles de peregrinos. Está claro que o lugar é moi especial.

O Interior

Ézaro – Olveiroa –Dolmen Pedra da Arca – Vimianzo – Muíños do Mosquetín –Dolmen de Dombate – Castro de Borneiro – Buño.

Ézaro
Ézaro

Na Costa da Morte tamén temos cousas moi interesantes que ver no seu interior. Se saímos de Fisterra, voltaremos a Corcubión e Cee para, a partir desta localidade, seguir pola estrada da costa en dirección a Muros durante uns quilómetros. A nosa seguinte parada será Ézaro, un bonito pobo do Concello de Dumbría onde é imprescindible ver a súa fervenza que acaba no mar.

Fervenza do Ézaro
Fervenza do Ézaro

A cantidade de auga desta fervenza dependerá de se está aberto ou non o encoro próximo. Desde o pobo de Ézaro, recomendo subir por unha estrada de gran pendente (foi final da Volta Ciclista a España en 2013), ata o miradoiro do encoro, cunhas espectaculares vistas do Cabo fisterra e o Monte Pindo (se tedes tempo, recomendo un día para subilo, como conto nesta entrada).

Subindo o Miradoiro do Ézaro
Subindo o Miradoiro do Ézaro

Desde Ézaro continuaremos por unha estrada sen apenas tráfico ata Olveiroa, unha aldea con varias casas de arquitectura tradicional e etapa do Camiño de Santiago ata Fisterra. Despois, seguiremos en dirección Vimianzo, por unha zona onde existen varios dólmenes que valen apena ver, por exemplo, o Dolmen da Pena da Arca, preto de Baíñas.

Dolmen da Pena da Arca
Dolmen da Pena da Arca

Unha vez en Vimianzo debemos visitar o castelo, unha das mellores fortalezas medievais da Galiza. Conta cun museo e varias mostras de artesanía en directo.

Castelo de Vimianzo
Castelo de Vimianzo

A pouca distancia de Vimianzo, seguindo a estrada AC-552 en dirección á Coruña, temos os Muíños do Mosquetín, un bo exemplo de industria tradicional de aproveitamento da auga.

Muíños do Mosteirín
Muíños do Mosteirín

Acabaremos a nosa ruta con dúas xoias arqueolóxicas da zona. A primeira, o Dolmen de Dombate, que conta ademais cun centro de interpretación.

Dolmen de Dombate
Dolmen de Dombate

E a moi pouca distancia, o Castro de Borneiro, un dos máis importantes da Galiza.

Castro de Borneiro
Castro de Borneiro

Para terminar, se estades interesados na olería, podedes acabar a ruta na localidade de Buño, moi coñecida pola súa cerámica.

Cabo Vilán
Cabo Vilán

Esta é a miña ruta proposta para coñecer o mellor da Costa da Morte. Como é habitual neste blogue, se tedes algunha dúbida, ou se xa a coñecedes e queredes deixar algún consello máis, non dubidedes en escribir un comentario.

Ruta dos Muíños do Folón e Picón

Guía práctica para facer a ruta dos Muíños do Folón e Picón

Muíños do Folón
Muíños do Folón

A ruta dos Muíños do Folón e Picón é unha das máis coñecidas do País. Está situada na aldea de Martín, no Concello do Rosal, ao Sur da Provincia de Pontevedra, moi preto da fronteira con Portugal.

Muíños
Muíños

A peculiaridade deste percorrido é que camiñaremos entre un total de 67 muíños, declarados Ben de Interese Cultural, así coma entre fermosas paisaxes do Val do Rosal.

Sinalización na ruta
Sinalización na ruta

A ruta: lonxitude e desnivel.

A ruta, catalogada como a PR-G 94, é circular, e ten Sigue leyendo Ruta dos Muíños do Folón e Picón

Visita ao Castro de Candaz

Guía da visita ao Castro de Candaz

castro de candaz

Aínda que hai moitos castros espallados por todo o territorio galego, moi poucos se encontran nunha paraxe tan curiosa como o Castro de Candaz.

Castro de Candaz
O Castro de Candaz, emerxe do Encoro de Belesar coa seca

Situado nunha península no Río Miño, en plena Ribeira Sacra, o primeiro que debemos saber é que este castro está case todo o ano baixo as augas do Encoro de Belesar, así que só teremos uns poucos días ao ano (salvo casos de sequías prolongadas ou traballos de mantemento do encoro) para poder visitalo, polo xeral Sigue leyendo Visita ao Castro de Candaz

Que facer en Lalín

10 cousas polas que recomendo visitar Lalín

Río Arnego polo Concello de Lalín
Río Arnego polo Concello de Lalín

1: Gozar da natureza

Lalín está situado no corazón do territorio galego, no que domina unha paisaxe de fermosos vales cheos de soutos, carballeiras e ríos de augas cristalinas.

Fraga de Catasós Lalin
Fraga de Catasós

Por esta razón, nas terras do Concello de Lalín, temos moitos lugares onde podemos gozar da natureza, ainda que se hai que escoller un par deles serían sen dúbida a Fraga de Catasós, un fermoso bosque autóctono declarado Monumento Nacional, e a Serra do Candán, incluído na Rede Natura 2000.

Tronco dun castiñeiro na Fraga de Catasós
Tronco dun castiñeiro na Fraga de Catasós

Tamén hai lugares fermosos a Sigue leyendo Que facer en Lalín

Ruta en coche pola Ribeira Sacra

Unha ruta en coche ou moto polo mellor da Ribeira Sacra

Canón do Sil, Ribeira Sacra
Canón do Sil, Ribeira Sacra

A Ribeira Sacra é un dos lugares máis completos desde o punto de vista turístico. Por un lado, pola súa paisaxe, con excelentes miradoiros sobre os ríos Miño e Sil. Por outro lado, polo seu valor histórico, con importantes igrexas románicas e mosteiros (de aí o nome de Ribeira Sacra), así coma de pisadas romanas.

Cabo do Mundo, Ribeira Sacra
Cabo do Mundo, Ribeira Sacra

Por último, reúne moitas actividades que fará imposible aburrirse como poden ser rutas de sendeirismo, btt ou turismo enolóxico, ao ser a Ribeira Sacra tamén unha denominación de orixe vinícola. A mellor forma de percorrer a Ribeira Sacra é Sigue leyendo Ruta en coche pola Ribeira Sacra

A Rapa das Bestas de Sabucedo

Guía práctica para a visitar a Rapa das Bestas de Sabucedo

rapa da bestas, sabucedo

A Rapa das Bestas de Sabucedo é unha das festas tradicionais máis coñecidas do noso país, así que non podería faltar unha entrada neste blog con información para gozar desta gran festa. Agardo que vos guste e vos sexa útil!

rapa das bestas, sabucedo
Cabalos no curro

Que é a Rapa das Bestas?

A rapa das bestas é unha actividade tradicional que consiste en agrupar os cabalos que se encontran ceibes no monte para Sigue leyendo A Rapa das Bestas de Sabucedo

Unha volta polo Concello de A Estrada

Ruta turística polo mellor do Concello de A Estrada

Pazo de Oca, a Estrada
Pazo de Oca

Para un santiagués coma min o Concello de A Estrada non é en absoluto descoñecido. De feito, xa visitei o Pazo de Oca en outras ocasións, paseei varias veces ao carón do Río Ulla en lugares como Pontevea ou o Xirimbao, e mesmo non fai moito tempo que contemplei a paisaxe da comarca desde miradoiros como o de San Miguel de Castro.

Areal de Berres, A Estrada
Areal de Berres

Pero ainda que é un lugar familiar para min, sempre quedan cousas por descubrir, por iso Sigue leyendo Unha volta polo Concello de A Estrada

A Lagoa de Cospeito

Guía da visita a unha das lagoas máis famosas da Terra Chá

Lagoa de cospeito, lugo, terra cha

Nas chairas do centro da provincia de Lugo, en plena Terra Chá, podemos gozar dun espazo natural que é un auténtico paraíso para os amantes das paisaxes e da natureza, e en especial as aves: A Lagoa de Cospeito.

Situación da Lagoa de Cospeito
Situación da Lagoa de Cospeito

É, ademáis, un lugar único para pasear e relaxarse, xa que se pode percorrer todo ao seu redor por un bonito sendeiro.

A Lagoa de Cospeito, Lugo, terra cha
A Lagoa de Cospeito

A LAGOA DE COSPEITO

A lagoa tivo considerables dimensións no pasado, e foi Sigue leyendo A Lagoa de Cospeito