A Rapa das Bestas de Sabucedo

Guía práctica para a visitar a Rapa das Bestas de Sabucedo

rapa da bestas, sabucedo

A Rapa das Bestas de Sabucedo é unha das festas tradicionais máis coñecidas do noso país, así que non podería faltar unha entrada neste blog con información para gozar desta gran festa. Agardo que vos guste e vos sexa útil!

rapa das bestas, sabucedo
Cabalos no curro

Que é a Rapa das Bestas?

A rapa das bestas é unha actividade tradicional que consiste en agrupar os cabalos que se encontran ceibes no monte para cortarlle a crina.

O gando pace ceibe no monte todo o ano
O gando pace ceibe no monte todo o ano

Lévase a cabo nos curros que se encontran nos montes onde pace dito gando.

O curro de Sabucedo
O curro de Sabucedo

Fanse en varias localidades galegas, pero a máis coñecida é sen dúbida a de Sabucedo.

sabucedo
Sabucedo. Fonte: Google Maps
Sabucedo
Sabucedo. Fonte: Google Maps

Onde se encontra Sabucedo?

A aldea de Sabucedo está nos montes da parte suroriental do Concello de A Estrada, preto das terras dos concellos de Forcarei e Cerdedo.

Sabucedo
Sabucedo se encontra a só 14 quilómetros de A Estrada. Fonte: Google Maps

Como chegar?

Chegar a Sabucedo é ben doado. Se saímos de A Estrada, tomamos a estrada de Forcarei durante aproximadamente 13 quilómetros. Despois, un cruzamento ben sinalizado nos desvía á dereita e en máis ou menos un quilómetro chegaremos á aldea de Sabucedo.

Domando unha besta en Sabucedo
Domando unha besta en Sabucedo

Cando se celebra a Rapa das Bestas de Sabucedo?

O primeiro fin de semana de xullo. Inclúe o venres, sábado, domingo e luns.

O curro de Sabucedo
O curro de Sabucedo

Como se celebra en Sabucedo?

Ainda que podemos gozar da festa toda a fin de semana (xa que hai zonas para comer, beber e acampar), o curro celébrase a unhas horas que dependen do día, e podemos consultar na web oficial.

Cabalos saíndo do curro
Cabalos saíndo do curro

Os cabalos baixan do monte e chegan guiados ata dentro do curro, onde se van xuntando no seu interior.

Un aloitador subindo a unha besta
Un aloitador subindo a unha besta

Unha vez reunidos todos comeza a rapa, que consiste na doma dos aloitadores para tentar suxeitar a besta, e proceder á corta das crinas e desparasitación do animal.

Desparasitando unha besta
Desparasitando unha besta

O animal sofre?

Se descartamos o pequeno intre de estrés durante o traslado e a doma, o animal non sofre en absoluto. Máis ben ao contrario, a rapa failles ben ao animal, xa que coa rapa e a desinfección, o animal está menos exposto a parásitos e depredadores.

Cortando a crina a unha besta
Cortando a crina a unha besta

Onde conseguir as entradas?

Para entrar no curro onde se realiza a rapa, é necesario ter unha entrada, que se pode conseguir na web oficial.

Un aloitador domando unha besta
Un aloitador domando unha besta

Que ver nos arredores?

O Concello de a Estrada é un dos máis turísticos da zona. Non moi lonxe de Sabucedo, podemos visitar o coñecido Pazo de Oca, ou o Areal de Berres, na beira do Río Ulla. Neste enlace comparto unha ruta turística por este Concello.

rapa das bestas, sabucedo

Agradecementos:

Ao Concello de A Estrada e a Alberto do blog alvientooo, pola invitación e guiarnos no evento.

A Manuel Cabada e familia, polo bo xantar e excelente trato recibido.

rapa das bestas, sabucedo

Máis información:

Web oficial da Rapa das Bestas
A Rapa das Bestas por Alvientooo

A Rapa das Bestas por Demiku

Un pensamiento sobre “A Rapa das Bestas de Sabucedo”

Deja un comentario

Tu dirección de correo electrónico no será publicada. Los campos obligatorios están marcados con *